ABŞ-da vaxtilə balıqlar üçün süni yaşayış mühiti yaratmaq məqsədilə dənizə atılan minlərlə avtomobil təkəri ciddi ekoloji problemə çevrilib. Vaşinqton ştatının sahillərində aparılan təmizlik işləri zamanı indiyədək 13 min 367 təkər dənizdən çıxarılıb.
1970–1980-ci illərdə Puget Sound körfəzində həyata keçirilən layihə çərçivəsində köhnə təkərlər bir-birinə bağlanaraq dəniz dibinə yerləşdirilmişdi. Lakin illər keçdikcə onları birləşdirən iplər sıradan çıxıb və təkərlər dəniz dibinə səpələnib. Mütəxəssislər parçalanan rezinin və mikroplastiklərin dəniz canlıları üçün təhlükə yarada biləcəyini bildiriblər.
Üç ayrı ərazidə aparılan işlər nəticəsində ümumilikdə təxminən 400 ton təkər çıxarılıb. Tullantılar xüsusi məntəqələrə daşınıb. Rəsmilər qalan təkərlərin də mərhələli şəkildə təmizlənəcəyini və suyun keyfiyyətinin izlənəcəyini açıqlayıblar.
Prestij.media
