İngiltərə sahillərində İkinci Dünya müharibəsindən bəri dənizin dibində qalan gəmi təhlükə mənbəyi olaraq qalır. Təxminən 1 400 ton partlayıcı daşıyan SS Richard Montgomery adlı ABŞ yük gəmisi 1944-cü ildə Temza çayının dənizə töküldüyü ərazidə batıb.
Gəmidəki sursatın bir hissəsi çıxarılsa da, böyük miqdarda partlayıcı hələ də qalıqların içərisindədir. Sentyabr ayında başlayan xüsusi əməliyyat zamanı paslanaraq dayanıqlığını itirən üç dirək dalğıclar və dəniz mühəndisləri tərəfindən nəzarətli şəkildə kəsilərək sudan çıxarılıb. Təxminən 12,8 milyon dollara başa gələn əməliyyatın məqsədi dirəklərin çökərək sursata zərər vurması riskini azaltmaq olub.
Gəminin ətrafı uzun illərdir qadağan olunmuş zona kimi qorunur və mütəmadi yoxlanılır. Rəsmilər partlayıcıların çıxarılmasının da ciddi risklər yaratdığını nəzərə alaraq onların hələlik yerində saxlanılmasına üstünlük verirlər. 2026-cı ildə aparılan yeni modelləşdirmələrdən sonra da gəmi üzərində müşahidələr davam etdirilir.
Prestij.media
