İtaliyada arxeoloqlar dəfələrlə talan edilməsinə baxmayaraq içində qızıl bəzəklər, silahlar, döyüş arabasının hissələri və nadir qadın ayaqqabısı qorunub saxlanılan 2600 illik etrusk məzarı aşkarlayıblar. Məzara Mərkəzi İtaliyadakı qədim Vulçi şəhərinin Polledrara nekropolunda rast gəlinib.
Eramızdan əvvəl VII əsrin sonlarına aid edilən məzar üç otaqdan ibarətdir. XX əsrdə dəfələrlə qanunsuz qazıntılara məruz qalsa da, tavanın və bəzi hissələrin çökməsi nəticəsində bəzi əşyalar dağıntıların altında qalıb. Arxeoloqlar qızıl və bürünc lövhələr, silahlar, döyüş arabası hissələri, sümük və fil sümüyündən hazırlanmış əşyalar, həmçinin yunan və etrusk qabları tapıblar.
Məzarın yan otaqlarında qədim dövrün ziyafətlərində istifadə olunan çoxsaylı qab-qacaq da aşkarlanıb. Tapıntılar Vulçinin Aralıq dənizi boyunca geniş ticarət əlaqələrinə malik olduğunu göstərir. Arxeoloqlar qazıntıları 2027-ci ildə davam etdirməyi planlaşdırır.
Prestij.media
