Gələcəkdə tibbin inkişafı sayəsində yenidən həyata qaytarılacaqlarına ümid edən insanların kriogen üsulla dondurulması davam edir. Dünyada hazırda 740 nəfərin bədəni mənfi 196 dərəcədə maye azotun içində saxlanılır.
Bu sahədə ABŞ 566 dondurulmuş insanla birinci, Rusiya 109 nəfərlə ikinci, Çin isə üçüncü yerdə qərarlaşıb. Prosedur insanın ölümündən dərhal sonra həyata keçirilir və məqsəd gələcəkdə elmi imkanlar sayəsində bədəni yenidən həyata qaytarmaqdır.
Lakin mütəxəssislər dondurulmuş insanın yenidən dirildilməsinin hələ tibbi baxımdan sübut olunmadığını bildirirlər. Əsas çətinlik beynin və insanın yaddaşının, şəxsiyyətinin zədələnmədən bərpa edilməsidir. 2026-cı ildə yayımlanan araşdırmada isə dondurulub əridilən siçanların beyin toxumasında bəzi sinir funksiyalarının bərpa olunduğu göstərilib. Bununla belə, bu nəticə canlı orqanizmin tam şəkildə həyata qaytarılması demək deyil.
Prestij.media
