ABŞ Prezidenti Donald Trampın İrana qarşı hərbi əməliyyatların yenidən başlanması ehtimalına görə yeni hücum planlarının hazırlanmasını istədiyi iddia olunub. ABŞ rəsmilərinə istinadən yayılan məlumata görə, planlarda İranın enerji infrastrukturu və nüvə obyektlərinin hədəfə alınması, eləcə də “Bombaların anası” kimi tanınan MOAB bombasından istifadə variantı nəzərdən keçirilir.
CNN-ə danışan mənbələrdən biri ABŞ ordusunun Trampın göstərişi olacağı təqdirdə əməliyyatları bərpa etməyə hazırlaşdığını bildirib. İddialara görə, mümkün hədəflər arasında İranın nüvə obyektləri ilə əlaqələndirilən Kazma dağı ərazisi də var.
Lakin MOAB bombasının istifadəsi ilə bağlı hələlik yekun qərarın verildiyi bildirilmir. Bu silah ABŞ tərəfindən sonuncu dəfə 13 aprel 2017-ci ildə Əfqanıstanda İŞİD-in istifadə etdiyi tunel və mağara kompleksinə qarşı tətbiq olunub. İran isə nüvə obyektlərinə mümkün hücumun müharibəni daha geniş əraziyə yayacağı barədə xəbərdarlıq edib.
Prestij.media
