Hindistanda 82 yaşlı kişi təqaüdünü və oğlunun əlillik müavinətini çəkmək üçün bankomata gedib. Balansını yoxlayan zaman hesabında təxminən 3,8 milyard manat pul olduğunu görüb. Oğlunun hesabında da böyük məbləğ görünməsi yaşlı kişini təəccübləndirib.
İki hesabda ümumilikdə təxminən 7,5 milyard manat əks olunub. Lakin bir neçə dəqiqə sonra məbləğlər bankomat ekranından silinib. Prestij.media xəbər verir ki, məsələ ilə bağlı araşdırma başladılıb.
Rəsmi açıqlamaya görə, pullar əslində hesablara köçürülməyib. Nəhəng məbləğlərin görünməsi bankomatlardakı texniki sistem xətası ilə əlaqəli olub. Hindistan Mərkəzi Bankı da bəzi bankomatlarda nasazlıq baş verdiyini təsdiqləyib.
