NASA Madaqaskar adasının cənubunda Ay səthindəki süxurlara bənzəyən nəhəng geoloji quruluşun kosmosdan çəkilmiş görüntüsünü yayımlayıb. Təxminən 100 kvadratkilometr ərazini əhatə edən Saririaky anortozit massivi ətrafındakı qəhvəyi və narıncı torpaq sahələrindən açıq rəngi ilə seçilir.
Beynəlxalq Kosmik Stansiyada olan astronavt tərəfindən 28 avqust 2026-cı ildə çəkilən görüntü NASA tərəfindən oktyabrın 5-də paylaşılıb. Alimlər bu süxur kütləsinin təxminən 600 milyon il əvvəl yarandığını və yüksək temperatur, təzyiq, eləcə də yer qabığındakı hərəkətlərin təsiri ilə formalaşdığını düşünürlər.
Anortozit süxurlarına Ayın açıq rəngli yüksək ərazilərində də rast gəlinir. Madaqaskardakı bu təbii quruluşun araşdırılması alimlərə Yerin və Ayın geoloji tarixini müqayisə etməyə, Ayın ilkin formalaşma mərhələlərini daha yaxşı anlamağa kömək edə bilər.
Prestij.media
