Fact Animal və World Atlas məlumatlarına görə, dünyanın ən ağır heyvanı mavi balinadır. Təxminən 190 ton çəkiyə çata bilən bu nəhəng canlı təkcə müasir dövrün deyil, Yer tarixində məlum olan ən ağır heyvan hesab edilir.
Quruda yaşayan heyvanlar arasında isə Afrika fili birinci yerdədir. Onun çəkisi 10,4 tona qədər çata bilir. Asiya fili, Afrika meşə fili, begemot və kərgədanlar da dünyanın ən ağır quru heyvanları sırasındadır.
Dəniz canlılarının qurudakı heyvanlardan daha böyük ölçülərə çatmasının əsas səbəblərindən biri suyun qaldırıcı qüvvəsidir. Bu qüvvə onların bədən çəkisini dəstəkləyir və nəhəng ölçülərə çatmalarını asanlaşdırır. Soyuq sularda iri bədən ölçüsü istiliyin qorunmasına da kömək edir.
Prestij.media
