Nepalın Çin sərhədi yaxınlığında yerləşən Himlunq Himal dağında baş verən qar uçqunu nəticəsində ölənlərin sayı 15-ə yüksəlib. Hadisə sentyabrın 27-də bölgədə güclü qar yağmasından sonra baş verib. Dağda xilasetmə və axtarış işləri davam etdirilir.
Məlumata görə, ölənlər arasında turist alpinistlər üçün hazırlıq işlərində çalışan nepallı işçilər və dəstək qrupunun üzvləri də var. Himlunq Himal dağının hündürlüyü 7 126 metrə çatır və ərazidə mürəkkəb hava şəraiti axtarış-xilasetmə əməliyyatlarını çətinləşdirir.
Səlahiyyətlilər yüksək dağlıq ərazidə çalışan bir nəfərdən hələ də xəbər alınmadığını bildiriblər. Onun tapılması üçün axtarışlar davam etdirilir. Hadisə zamanı bəzi alpinist və dəstək qrupunun üzvləri ilə də əlaqə kəsilmişdi.
Prestij.media
