Rusiya Müdafiə Nazirliyi Ukraynanın Nikolayev şəhərində yerləşən RX-Name məlumat mərkəzinə zərbə endirildiyini açıqlayıb. Moskva mərkəzin Ukrayna ordusunun ehtiyacları üçün məlumatların emalı və internet saytlarının yerləşdirilməsi xidmətlərini təmin etdiyini iddia edir.
Rusiya tərəfinin məlumatına görə, son həftələrdə Kiyevdə Ukrtelekom, DreamLine, Omega Telecom, Kyivstar, Vodafone və Datagroup ilə əlaqəli məlumat mərkəzləri də hədəfə alınıb. Məlumat mərkəzlərinə və telekommunikasiya infrastrukturuna zərbələr son günlərdə intensivləşib.
Rusiya Müdafiə Nazirliyi həmçinin Odessa limanına hərbi və ikili təyinatlı yük daşıdığı iddia edilən quru yük gəmisinin də vurulduğunu bildirib. Sözügedən zərbələrlə bağlı Rusiya tərəfinin iddialarının bir hissəsi müstəqil şəkildə təsdiqlənməyib.
Prestij.media
