Fransa imperatoru Napoleon Bonapartın göstərişi ilə 1809-cu ildə hazırlanmış şifrəli məktub süni intellektin köməyi ilə oxunub. 217 il ərzində tam açılmayan sənəddə Avropadakı hərbi qüvvələrin mövqeləri və döyüş öncəsi gizli göstərişlər yer alıb.
Məktub Napoleonun ögey oğlu Yevgeni de Boarne tərəfindən hazırlanaraq fransız generalı Ogüst de Marmona göndərilib. Kibertəhlükəsizlik mühəndisi Karter Çörç 1969-cu ildə dərc olunmuş sənəd təsvirini süni intellektlə təhlil edib. Təxminən 1300 şifrəli işarədən ibarət mətnin açılması altı saat çəkib.
Sənəddə Fransa, Bavariya və Polşa qoşunlarının mövqeləri, eləcə də Avstriyaya qarşı hərbi əməliyyat planları barədə məlumatların olduğu müəyyənləşdirilib. Məktubda 80 minlik Friuli ordusundan da bəhs edilir. Araşdırmaçılar sənədin 1809-cu ilin mart ayının sonlarında yazıldığını bildirirlər.
Prestij.media
