Cənubi Koreya öz imkanları ilə hazırladığı ilk hipersəs silah sistemini sınaqdan keçirib. Oktyabrın 8-də keçirilən sınağı ölkə prezidenti Li Ce Myonq da izləyib. Bildirilir ki, yeni raket səs sürətinin ən azı beş qatına çata bilir.
Hipersəs texnologiyasına əsaslanan sistem uçuş zamanı həm üfüqi, həm də şaquli istiqamətdə manevr edə bilir. Raketin yüksək sürətlə hərəkət etməsi və istiqamətini dəyişməsi onun hava hücumundan müdafiə sistemləri tərəfindən izlənilməsini və qarşısının alınmasını çətinləşdirə bilər. Cənubi Koreya rəsmiləri sınaq zamanı raketin nəzərdə tutulan hədəfi vurduğunu bildiriblər.
Sınaq Şimali Koreyanın oxşar silahı yoxlamasından bir neçə gün sonra keçirilib. Prezident Li Ce Myonq yeni sistemin təkmilləşdirilməsi və hərbi istifadəyə hazırlanması işlərinin sürətləndirilməsini tapşırıb. Silahın nə vaxt hərbi arsenalda istifadəyə veriləcəyi isə açıqlanmayıb.
Prestij.media
