Çin Avropa ilə ticarətdə yeni dəniz marşrutunu istifadəyə verib. “Buz İpək Yolu” adlandırılan bu marşrut Şimal Buzlu okeanı üzərindən keçərək daşınma müddətini əhəmiyyətli dərəcədə azaldır.
Prestij.media xəbər verir ki, Çin şirkəti Sea Legend-in gəmiləri Ningbo limanından yola çıxaraq Şimal Dəniz Yolu və Berinq boğazından keçərək Böyük Britaniyanın Felikstou limanına çatır. Daha sonra Almaniyanın Hamburq və Polşanın Qdınya limanlarına da səfərlərin təşkili planlaşdırılır.
Süveyş kanalı ilə daşınma təxminən 40 gün, Ümid burnu marşrutu ilə isə 50 gün çəkdiyi halda, yeni marşrut üzrə müddət 15-20 günə qədər azalır. Marşrutun xüsusilə litium-ion batareyalar və günəş panelləri kimi yüklərin daşınmasında əlverişli olduğu bildirilir.
