Böyük Britaniya Ukraynanın uzunmənzilli raketləri öz ərazisində istehsal etməsinə imkan yaradacaq yeni addım atıb. MBDA şirkətinə Storm Shadow və SCALP raketlərində istifadə olunan Britaniya istehsalı komponentlərlə bağlı texniki məlumatları Ukrayna ilə paylaşmağa icazə veriləcək.
Fransa da texnologiya transferinə dəstək verərək Ukraynada raketlərin istehsalı və yığılması üçün imkanların yaradılmasına kömək edəcək. Hazır raket göndərilməsindən fərqli olaraq, bu addım Ukraynanın uzunmüddətli müdafiə sənayesi imkanlarını artırmağa hesablanıb.
Moskva qərara sərt reaksiya verib. Kremlin sözçüsü Dmitri Peskov bunun münaqişəni daha da gərginləşdirəcəyini bildirib və Ukraynada yaradılacaq raket istehsalı obyektlərinin Rusiyanın hədəfinə çevrilə biləcəyini deyib.
Prestij.media
