İsveçdəki Sundsvall Regional Xəstəxanası yay aylarında binanı soyutmaq üçün maraqlı üsuldan istifadə edir. Qış boyunca toplanan təxminən 40 min ton qar xüsusi ərazidə yığılır və üzəri odun talaşı ilə örtülərək aylarla qorunur.
Təxminən 20 santimetr qalınlığında talaş qatı qar üçün izolyasiya rolunu oynayır və isti havanın qar kütləsinə çatmasının qarşısını alır. Qarın əriməsi nəticəsində yaranan soyuq su nasoslarla xəstəxananın soyutma sisteminə göndərilir.
Sistemin ilk fəaliyyət ilində xəstəxananın yay aylarındakı soyutma ehtiyacının təxminən 93 faizi saxlanılan qar hesabına qarşılanıb. Bu üsul ənənəvi soyutma sistemlərindən asılılığı azaltmaqla yanaşı, qışın təbii soyuğundan yayda istifadə etməyə imkan verir.
Prestij.media
