ABŞ-ın qərbində mühüm su mənbəyi olan Kolorado çayında su səviyyəsi kritik həddə düşüb. Çayın üzərində yerləşən Pauell və Mid göllərində su ehtiyatları avqust ayında rekord dərəcədə azalıb. Quraqlıq və həddindən artıq su istifadəsi vəziyyəti daha da ağırlaşdırıb.
Pauell gölündə su səviyyəsinin azalması hidroelektrik enerjinin istehsalı ilə bağlı narahatlıq yaradıb. Mid gölündə də vəziyyət kritik həddə çatıb. Çayın su ehtiyatlarının azalması milyonlarla insanın içməli su təminatı, kənd təsərrüfatı və elektrik enerjisi istehsalına təzyiqi artırır.
Vəziyyətin daha da pisləşməsinin qarşısını almaq üçün Kaliforniya, Arizona və Nevada ştatlarının Kolorado çayından istifadə etdiyi suyun 2027-2028-ci illərdə təxminən 21 faiz azaldılması planlaşdırılır. Mütəxəssislər su çatışmazlığının uzunmüddətli problemə çevrilə biləcəyi barədə xəbərdarlıq edirlər.
Prestij.media
