Finlandiyalı qayıq istehsalçısı Lukas Sjöman özünün hazırlayıb inşa etdiyi günəş enerjili “Helios 11” qayığı ilə 3 min dəniz milindən çox, təxminən 5 556 kilometr məsafə qət edib. 11 metr uzunluğundakı qayıq səfər boyunca benzin və ya dizeldən istifadə etməyib.
Qayığın damına 10 günəş paneli yerləşdirilib. Panellər günəşli havada 4 min vattadək elektrik istehsal edir və enerji 24 kilovat-saatlıq batareyada toplanır. Qayığı hərəkətə gətirən 6 kilovatlıq elektrik mühərriki də bu enerjidən istifadə edir.
Sjömanın sözlərinə görə, layihənin əsas məqsədi uzun məsafəli dəniz səfərlərinin fosil yanacaq olmadan da mümkün olduğunu göstərməkdir. O, növbəti mərhələdə 16 metr uzunluğunda daha böyük günəş enerjili katamaran hazırlamağı planlaşdırır.
Prestij.media
