Sargasso dənizi dünyada heç bir quru sahəsinə toxunmayan yeganə dənizdir. Sahili və çimərliyi olmayan bu nəhəng su hövzəsi Atlantik okeanının ortasında yerləşir və sərhədləri quru ilə deyil, dörd böyük okean axını ilə müəyyən olunur.
Təxminən 3 milyon kvadratkilometr ərazini əhatə edən Sargasso dənizinin uzunluğu 3200, eni isə 1100 kilometrə çatır. Onu qərbdən Qolfstrim, şimaldan Şimali Atlantika, şərqdən Kanar və cənubdan Şimali Ekvatorial axınları əhatə edir.
Tarixən sakit və küləksiz suları ilə dənizçilərdə qorxu yaradan bölgə bu gün daha sakit keçidlərdən biri hesab olunur. Sargasso dənizi həmçinin zəngin dəniz ekosistemi ilə seçilir.
Prestij.media
