ABŞ-da təxminən bir əsrdir qızılbalıqların miqrasiyasına mane olan 4 hidroelektrik bənd sökülüb. Bundan sonra Klamat çayının əvvəllər əlçatmaz olan hissələrinə cəmi ikinci miqrasiya mövsümündə 13 mindən çox Çinnuk qızılbalığı qayıdıb.
2024-cü ildə köhnə bəndlərin yerləşdiyi ərazidən 7 742 Çinnuk qızılbalığı keçib. 2025-ci ildə isə bu rəqəm 13 310-a yüksəlib. İki mövsümdə ümumilikdə 21 mindən çox balığın əraziyə qayıtdığı müəyyən edilib.
Araşdırmaya görə, qızılbalıqlar tarixi yaşayış ərazilərinin 88 faizinə yenidən yayılıb. Mütəxəssislər bu nəticənin çaylardakı böyük fiziki maneələr aradan qaldırıldıqda təbiətin gözləniləndən daha sürətlə bərpa oluna biləcəyini göstərdiyini bildirirlər.
Prestij.media
