Ekvadora bağlı Qalapaqos adaları yaxınlığında, dənizin 50-70 metr dərinliyində nəhəng qəhvəyi yosunlardan ibarət sualtı meşə aşkarlanıb. Tropik sularda belə böyük yosun meşəsinin tapılması alimlərin diqqətini çəkib.
Araşdırmalara görə, bu ərazi çoxsaylı balıq və digər dəniz canlıları üçün qidalanma, gizlənmə və çoxalma məkanıdır. Bölgədəki soyuq və qida maddələri ilə zəngin axınların yosunların burada böyüməsinə şərait yaratdığı düşünülür.
İlk olaraq yeni növ olduğu ehtimal edilən yosunların sonrakı araşdırmalarda Qalapaqos adalarına xas Eisenia galapagensis növünün forması olduğu müəyyənləşdirilib.
Prestij.media
