Somali Milli Kəşfiyyat və Təhlükəsizlik Agentliyi Əş-Şəbab terror təşkilatının kəşfiyyat rəhbəri Abdullah Haşi Hersi Labajirin avqustun 23-də Cilib rayonunda keçirilən əməliyyat zamanı öldürüldüyünü açıqlayıb.
Məlumata görə, əməliyyat Somali təhlükəsizlik qüvvələri və beynəlxalq tərəfdaşların əməkdaşlığı ilə həyata keçirilib. Labajir 2006-cı ildə Əş-Şəbaba qoşulub, 2013-cü ildə isə təşkilatın kəşfiyyat strukturuna rəhbər təyin edilib.
Somali tərəfi onun öldürülməsini Əş-Şəbabın rəhbərliyi və kəşfiyyat imkanları üçün ciddi itki kimi qiymətləndirib. Təşkilata qarşı ölkənin mərkəzi və cənub bölgələrində genişmiqyaslı əməliyyatlar davam edir.
Prestij.media
