Rumıniyanın Reçari Roma qalasında aparılan arxeoloji qazıntılar zamanı təxminən 1800 il əvvəl dağıdılmış qədim taxıl anbarının daş bünövrəsi üzə çıxarılıb.
Mütəxəssislərin bildirdiyinə görə, anbar eramızın III əsrində gotların hücumu zamanı baş verən güclü yanğın nəticəsində məhv olub. Qazıntılar zamanı qalın kül və yanıq izlərinin aşkar edilməsi bu ehtimalı gücləndirir.
Arxeoloqlar hesab edirlər ki, bu tikili Roma ordusunun ərzaq ehtiyatlarının saxlanıldığı əsas obyektlərdən biri olub. Yeni tapıntı Roma imperiyasının bölgədəki hərbi-logistika sistemi və müdafiə strategiyası barədə mühüm məlumatlar təqdim edir.
Prestij.media
