Prestij.media xəbər verir ki, Almaniyanın məşhur avtomobil istehsalçısı BMW Rusiya bazarından çıxmasına baxmayaraq, Kalininqraddakı keçmiş tərəfdaş zavodunda şirkətin icazəsi olmadan lüks avtomobillərin istehsal edildiyi üzə çıxıb.
Məlumata görə, zavodda BMW X5, X6 və X7 modelləri köhnə ehtiyat hissələri və yerli istehsal olunan qeyri-orijinal komponentlərlə yığılıb. Şirkət bu avtomobillərin heç bir keyfiyyət və təhlükəsizlik yoxlamasından keçmədiyini bildirərək alıcılara onları almamaq barədə xəbərdarlıq edib.
BMW nümayəndələri qeyd ediblər ki, orijinal standartlara cavab verməyən bu avtomobillər sürücülər və sərnişinlər üçün ciddi təhlükə yarada bilər. Buna görə də istehlakçılara yalnız rəsmi istehsalçı tərəfindən təsdiqlənmiş avtomobillərə üstünlük vermələri tövsiyə olunur.
