Bir müddət əvvəl maliyyə problemləri səbəbindən fəaliyyətini dayandıran otel yenidən satışa çıxarılıb. Prestij.media xəbər verir ki, otel binası və torpaq sahəsi ilə birlikdə təxminən 1,7 milyon dollar dəyərində satışa təklif olunub.
Məlumata görə, söhbət Bursanın Osmangazi rayonunda yerləşən Prusias Oteldən gedir. 2019-cu ildə fəaliyyətə başlayan hotel iqtisadi çətinliklər səbəbindən 2024-cü ildə iflas edib.
İflas prosesi zamanı obyekt məhkəmə sistemi vasitəsilə təxminən 770 min dollar ilkin qiymətlə satışa çıxarılsa da, hazırda sərbəst bazarda xeyli yüksək qiymətə təklif olunur.
Elanda otel binasının və yerləşdiyi torpaq sahəsinin bir paket şəklində satıldığı bildirilib. Hazırda obyekt üçün təxminən 1,7 milyon dollar tələb olunur. Bu qiymətlə satışın investorların diqqətini cəlb edəcəyi gözlənilir.
