ABŞ-ın Texas ştatında fəaliyyət göstərən LibertyStream Infrastructure Partners neft və qaz hasilatı zamanı yaranan duzlu sudan litium əldə etməyə imkan verən yeni Gen 6 sistemini istifadəyə verib.
Şirkətin məlumatına görə, sistem gündə təxminən 5 min barel duzlu su emal edərək litium karbonat istehsalına töhfə verəcək. Yeni texnologiya ənənəvi mədən üsuluna ehtiyac olmadan mövcud neft infrastrukturu üzərindən litium hasilinə imkan yaradır.
Hazırda tikintisi davam edən Freedom 1 müəssisəsinin bu ilin sonunadək fəaliyyətə başlaması və ildə 1 000 ton litium karbonat istehsal etməsi planlaşdırılır.
Şirkət hesab edir ki, layihənin uğurlu olması neft yataqlarından çıxan duzlu suların səmərəli istifadəsi və Şimali Amerikada kritik mineralların istehsalının artırılması baxımından yeni mərhələnin başlanğıcı ola bilər.
Prestij.media
