ABŞ administrasiyası sığınacaq üçün müraciət edən və ya müraciəti davam edən təxminən 200 min əcnəbinin B1 və B2 vizalarını ləğv etməyi planlaşdırır. Qərarın 2016–2026-cı illər arasında verilmiş vizalara şamil ediləcəyi bildirilir.
ABŞ Dövlət Departamentinin sözçüsü Tommi Piqott bildirib ki, proses Daxili Təhlükəsizlik Nazirliyi ilə koordinasiya şəraitində mərhələli şəkildə həyata keçiriləcək. Söhbət əsasən ABŞ-a qısa müddətli səfər məqsədilə gələn, daha sonra isə ölkədə qalmaq üçün sığınacaq müraciəti edən şəxslərdən gedir.
Rəsmilər bildiriblər ki, vizanın ləğvi həmin şəxslərin avtomatik olaraq dərhal deportasiya ediləcəyi anlamına gəlmir. Bununla yanaşı, onların iş və ya turizm məqsədli səfərçi statusunu itirəcəyi qeyd olunur.
Prestij.media
