ABŞ-ın Luiziana ştatında Meta şirkətinin Hyperion məlumat mərkəzini enerji ilə təmin edəcək günəş enerjisi layihəsində 72 ton ağırlığında 10 avtonom svayvurma maşını istifadəyə verilib.
Prestij.media xəbər verir ki, süni intellektlə idarə olunan maşınlar 90 kiloqramlıq polad dirəkləri insan müdaxiləsi olmadan dəqiq şəkildə quraşdırır və sutka ərzində təxminən 1000 svay vurmaq gücünə malikdir.
Mütəxəssislərin sözlərinə görə, bu texnologiya iri infrastruktur layihələrində operator çatışmazlığını azaltmaqla yanaşı, tikinti prosesini daha sürətli və təhlükəsiz edir.
