Rusiyanın İrkutsk şəhərində Taunla Mübarizə İnstitutunun əməkdaşlarından birində səbəbi müəyyən edilməyən pnevmoniya aşkarlanıb. Hadisədən sonra bölgədə xüsusi tədbirlər görülüb.
Rusiyanın aidiyyəti qurumu xəstədən götürülən nümunələrdə onun peşə fəaliyyəti ilə əlaqəli təhlükəli mikroorqanizmlərin aşkar edilmədiyini açıqlayıb. İrkutsk və ətraf şəhərlərdə sanitar-epidemioloji vəziyyətin sabit olduğu bildirilib.
Bundan əvvəl sosial şəbəkələrdə institut əməkdaşının ağciyər taunu səbəbindən öldüyü barədə məlumatlar yayılmışdı. Lakin bu iddia rəsmi açıqlama ilə təsdiqlənməyib.
Hazırda xəstəliyin səbəbi ilə bağlı araşdırmalar davam edir və bölgədə epidemioloji vəziyyətin nəzarətdə olduğu bildirilir.
Prestij.media
