Almaniyada ilin ilk güclü istilik dalğası fonunda mənzil kirayəçiləri arasında böyük maraq görən Midea Portasplit kondisionerləri demək olar ki, satışdan yoxa çıxıb.
Məlumata görə, qazma və xüsusi quraşdırma tələb etməyən portativ split-kondisioner modeli ölkə üzrə sürətlə tükənib. 1100-dən çox mağazanın ehtiyatlarını əhatə edən monitorinq nəticələrinə əsasən, yalnız bir neçə satış nöqtəsində məhdud sayda məhsul qalıb.
Mütəxəssislər bildirirlər ki, yüksək temperatur səbəbindən tələbatın kəskin artması həm qiymətlərin yüksəlməsinə, həm də ikinci əl bazarında spekulyasiyalara yol açıb. Bəzi platformalarda cihazın qiyməti ilkin satış dəyərindən xeyli baha təklif olunur.
Eyni zamanda, sosial şəbəkələrdə və müxtəlif internet mağazalarında “mini kondisioner” adı ilə satılan bəzi məhsulların isə gözlənilən soyutma effektini vermədiyi, əksər hallarda sadə ventilyatorlardan ibarət olduğu qeyd edilir.
Prestij.media
