Amerikalı milyarder İlon Mask ABŞ-ın mobil enerji istehsalçısı APR Energy şirkətini təxminən 1 milyard dollara satın alıb. Sövdələşmənin əsas məqsədi süni intellekt məlumat mərkəzlərinin enerji təminatını gücləndirməkdir.
APR Energy qısa müddətdə istismara verilə bilən mobil elektrik stansiyaları ilə tanınır. Şirkətin istehsal gücü 1 giqavatdan çoxdur və yüz minlərlə ev təsərrüfatını elektrik enerjisi ilə təmin edə bilir.
Mütəxəssislərin fikrincə, süni intellekt texnologiyalarının sürətli inkişafı enerji tələbatını da artırır. Bu səbəbdən Maskın yeni satınalması gələcək məlumat mərkəzlərinin enerji təminatında mühüm rol oynaya bilər. Prestij.media xəbər verir ki, sövdələşmə eyni zamanda təbii qaz və dizel əsaslı enerji sistemlərinin istifadəsinə görə ekoloji müzakirələrə də səbəb olub.
