Sinqapurda yüksək gəlirli ailələrin sayı son beş ildə nəzərəçarpacaq dərəcədə artıb. Prestij.media xəbər verir ki, ölkənin Statistika Departamentinin məlumatına görə, 2025-ci ildə hər 7 ailədən biri aylıq 30 min Sinqapur dolları və ya daha çox gəlir əldə edir.
Hesabata əsasən, aylıq gəliri 30 min dolları keçən ailələrin payı 2020-ci ildəki 7,4 faizdən 2025-ci ildə 13,4 faizə yüksəlib. Eyni zamanda, ölkədə median aylıq ailə gəliri ilk dəfə 12 min Sinqapur dollarını ötüb. Məlumata görə, gəlirlərin artımında məşğulluğun yüksəlməsi və iki işləyən valideynli ailələrin sayının çoxalması əsas amillərdən biridir.
