Sinqapur 2026-cı ilin sonundan etibarən iqlim dəyişikliyi və dəniz səviyyəsinin qalxmasına qarşı nəzərdə tutulan “Long Island” layihəsinin hazırlıq işlərinə başlayacaq. Prestij.media xəbər verir ki, layihə çərçivəsində dəniz dibinin təmizlənməsi, müvəqqəti qum bəndlərinin və dolğu sahələrinin yaradılması planlaşdırılır.
Təxminən 800 hektar ərazini əhatə edəcək layihə gələcəkdə sahilboyu ərazilərin qorunmasına, yeni su anbarının yaradılmasına və əlavə torpaq sahələrinin formalaşdırılmasına xidmət edəcək. Rəsmilər bildiriblər ki, aparılan ekoloji qiymətləndirməyə əsasən, hazırlıq işlərinin ətraf mühitə təsiri minimal səviyyədə olacaq.
