Almaniyanın Leypsiq hava limanında qısa müddət ərzində iki təhlükəli hadisə qeydə alınıb.
İlkin məlumata görə, DHL-ə məxsus yük təyyarəsi enişə hazırlaşarkən naməlum obyektlə toqquşub. Təyyarə təhlükəsizlik məqsədilə Hannover hava limanına məcburi eniş edib. Baxış zamanı gövdənin ön hissəsində zədə aşkar olunub.
Hadisənin pilotsuz uçuş aparatı (PUA) ilə bağlı ola biləcəyi ehtimal edilir. Bildirilir ki, hava limanının antidron sistemi ərazidə iki PUA aşkarlayıb.
Bundan başqa, Leypsiq hava limanında Ukraynaya məxsus Antonov yük təyyarəsinin yaxınlığında partlayıcı maddə ilə təchiz edilmiş PUA aşkar edilərək zərərsizləşdirilib. Məlumata görə, partlayıcı işə düşməyib.
Hadisədən sonra hava limanında uçuşlar müvəqqəti dayandırılıb. Almaniya hüquq-mühafizə orqanları hər iki hadisənin əlaqəli olub-olmadığını araşdırır.
Prestij.media
