Prestij.media xəbər verir ki, Avropa Birliyinin yüksək səviyyəli nümayəndə heyəti Ankarada Türkiyə rəsmiləri ilə bir sıra mühüm görüşlər keçirib.
Səfər çərçivəsində nümayəndə heyəti Prezident Rəcəb Tayyib Ərdoğan, xarici işlər naziri Hakan Fidan, ticarət naziri Ömər Bolat, maliyyə naziri Mehmet Şimşek və digər hökumət üzvləri ilə görüşüb.
Danışıqlarda Türkiyənin Avropa Birliyinə üzvlük prosesi, Gömrük Birliyinin yenilənməsi, Şengen vizalarının sadələşdirilməsi, ticarət əlaqələrinin genişləndirilməsi, miqrasiya, enerji, nəqliyyat və regional təhlükəsizlik məsələləri müzakirə olunub.
AB rəsmiləri Türkiyənin təhlükəsizlik, enerji və miqrasiya sahələrində mühüm tərəfdaş olduğunu vurğulayıblar. Türkiyə tərəfi isə vizaların sadələşdirilməsi və Gömrük Birliyinin müasir tələblərə uyğun yenilənməsi ilə bağlı gözləntilərini bir daha gündəmə gətirib. Görüşlərdən sonra tərəflər arasında ortaq mətbuat konfransı keçirilməyib.
