Ukrayna Prezidenti Volodimir Zelenski Brüsseldə Belçika Kralı Filip və Baş nazir Bart De Veverlə görüşüb. Görüşlərdə Ukraynanın hava hücumundan müdafiəsinin gücləndirilməsi və əlavə F-16 qırıcılarının mümkün qədər tez təhvil verilməsi məsələləri müzakirə olunub.
Zelenski Rusiyanın raket və pilotsuz uçuş aparatları ilə hücumlarının davam etdiyini bildirərək müdafiə dəstəyinin artırılmasının vacibliyini vurğulayıb. Tərəflər F-16 təyyarələri üçün əlavə sursat tədarükü imkanlarını da nəzərdən keçiriblər.
Ukrayna lideri Avropa İttifaqında dondurulmuş Rusiya aktivlərinin bloklanmış vəziyyətdə saxlanılmasına çağırıb. Kiyev həmin vəsaitlərin Ukraynaya yardım üçün istifadə edilməsini istəyir. Belçika isə bu addımın yarada biləcəyi hüquqi və maliyyə riskləri ilə bağlı narahatlığını ifadə edir.
Prestij.media
