Almaniyada göldə üzərkən qızıl külçəsi tapan 16 yaşlı yeniyetmə altı aylıq gözləmə müddəti başa çatdıqdan sonra qiymətli metalın rəsmi sahibi elan edilib. O, tapıntını aşkarladıqdan sonra dərhal polisə təhvil verib.
Hadisə Almaniyanın Königssee gölündə baş verib. Təxminən iki metr dərinlikdə tapılan 500 qramlıq külçənin üzərində “Degussa Fine Gold 999.9” yazısı və seriya nömrəsi olub. Tapıldığı vaxt qızılın dəyəri təxminən 18 500 dollar qiymətləndirilib.
Polis seriya nömrəsi vasitəsilə külçənin sahibini müəyyənləşdirməyə çalışsa da, nəticə əldə olunmayıb. Almaniya qanunvericiliyinə əsasən, altı ay ərzində heç kim tapıntıya sahiblik iddiası irəli sürmədiyindən külçə yeniyetməyə verilib. Qızılın gölün dibinə necə düşdüyü isə məlum deyil.
Prestij.media
