Braziliyanın dövlət neft şirkəti Petrobras Amazon çayının sahilləri yaxınlığındakı Amapa bölgəsində yerləşən “Morpho” quyusunda ikinci neft layını aşkar edib. Xəbərdən sonra şirkətin səhmləri kəskin bahalaşıb.
Petrobrasın bazar dəyəri ilk dəfə 700 milyard Braziliya realını, yəni təxminən 134,3 milyard dolları keçib. Şirkət birja dəyərinə təkcə bir gündə təxminən 4 milyard dollar əlavə edib.
Mütəxəssislər bölgədə milyardlarla barel neft potensialının ola biləcəyini düşünürlər. Lakin “Morpho” quyusunda aşkar edilən neftin kommersiya baxımından dəqiq həcmini müəyyənləşdirmək üçün əlavə araşdırmalara ehtiyac var.
Neft axtarışları ətrafında ekoloji və hüquqi mübahisələr də davam edir. Prokurorluq bölgədə əvvəlki kimyəvi sızmaları və yerli əhalinin hüquqlarını əsas gətirərək qazma işlərinin dayandırılması üçün məhkəməyə müraciət edib.
Prestij.media
