Google “Gemini for Home” süni intellekt sistemi ilə təchiz olunmuş yeni “Google Home Speaker” ağıllı dinamik cihazını təqdim edib. Cihaz 25 iyun 2026-cı ildə satışa çıxarılacaq.
Yeni ağıllı dinamik 360 dərəcə səs sistemi, güclü bass və təkmilləşdirilmiş audio keyfiyyəti ilə fərqlənir. Google-un bildirdiyinə görə, cihaz əvvəlki modellərlə müqayisədə daha güclü səs performansı və daha geniş funksionallıq təqdim edir.
“Gemini” süni intellekti vasitəsilə istifadəçilər səsli əmrlərlə musiqi idarə edə, xatırlatmalar yarada və ağıllı ev cihazlarını nəzarətdə saxlaya biləcəklər. Eyni zamanda, əlavə abunə xidməti ilə daha inkişaf etmiş “Gemini Live” funksiyası da təqdim olunur.
Cihazın qiyməti təxminən 100 ABŞ dolları olaraq açıqlanıb və müxtəlif rəng seçimlərində satışa çıxarılacaq.
prestij.media
