Snap Inc. “gələcəyin kompüteri” kimi təqdim etdiyi artırılmış reallıq (AR) eynəyi Specs modelini satışa çıxarıb.
Şirkət cihazı 2 195 dollar qiymətə satışa təqdim edib. Specs real görüntüyə rəqəmsal məlumat əlavə edərək istifadəçilərə artırılmış reallıq təcrübəsi yaşadır.
Kaliforniyada keçirilən Augmented World Expo tədbirində təqdim olunan eynək, Apple-ın Vision Pro modeli və Meta-nın ağıllı eynəklərinə rəqib kimi qiymətləndirilir.
Cihaz marşrut göstərilməsi, süni intellekt dəstəyi ilə cavablar, video çəkiliş və virtual interaktiv lövhə kimi funksiyalara malikdir. Eyni zamanda tərtibatçılar üçün AR əsaslı müxtəlif tətbiqlərin hazırlanmasına imkan verir.
Snap CEO-su Evan Spiegel bildirib ki, məqsəd tamamilə yeni nəsil kompüter yaratmaqdır. Onun sözlərinə görə, Specs həm güclü AR imkanlarını, həm də gündəlik istifadəyə uyğun daşına bilən dizaynı birləşdirir.
Mütəxəssislər isə cihazın yüksək qiymətinin onun geniş istifadəçi kütləsinə yayılmasını çətinləşdirə biləcəyini qeyd edirlər.
//Prestij.media
