NATO ölkələri Ukraynaya dəstəyi artırmaqda davam edir. NATO-nun Baş katibi Mark Rutte bildirib ki, bir sıra müttəfiq dövlətlər Kiyevə yeni hərbi yardım öhdəlikləri götürüblər.
Almaniya və Böyük Britaniya Ukraynaya hava hücumundan müdafiə sistemləri, raketlər və pilotsuz uçuş aparatları təqdim edəcəklər. Britaniya ilin sonunadək on minlərlə dron, yüzlərlə hava müdafiə raketi və radar sistemi göndərməyi planlaşdırır.
Almaniya isə əlavə IRIS-T hava müdafiə sistemi, yüzlərlə raket və uzun mənzilli sursat tədarük edəcəyini açıqlayıb. NATO rəsmiləri bu dəstəyin Ukraynanın müdafiə qabiliyyətinin gücləndirilməsi baxımından mühüm əhəmiyyət daşıdığını vurğulayıblar.
Prestij.media
