Şri-Lankanın cənub-şərqində yerləşən Yala Milli Parkında son illərin ən ağır quraqlıqlarından biri yaşanır. Yağışların aylarla az olması nəticəsində göllər və su mənbələri quruyub. Heyvanların susuz qalmaması üçün parka hər gün su maşınları ilə su daşınır.
Su maşınları parkın müxtəlif ərazilərindəki gölməçələri və su çalalarını mütəmadi doldurur. Bəzi ərazilərdə su Menik çayından götürülərək gölməçələrə çatdırılır. Bu su mənbələrindən maral, vəhşi camış, meymun, timsah və bəbirlər də istifadə edir.
Quraqlıq və yüksək temperatur səbəbindən parkın ən çox ziyarət edilən 1 və 2-ci bölmələri 14 sentyabr-15 oktyabr tarixlərində turistlər üçün bağlanacaq. Məqsəd heyvanların su mənbələrinə rahat çatmasını və safari səfərlərinin yaratdığı təzyiqi azaltmaqdır.
Prestij.media
