Türk televiziya tarixinin ən uzunömürlü seriallarından biri olan “Arka Sokaklar” 20 illik ekran macərasını başa vurub. Serialın ssenaristi Ozan Yurdakul sosial şəbəkədə etdiyi paylaşımda D Media və Kanal D-nin layihəni yeni mövsümdə davam etdirməmək qərarı verdiyini açıqlayıb.
2006-cı ildə mərhum Türker İnanoğlunun rəhbərliyi ilə başlayan serial ümumilikdə 20 mövsüm və 751 bölüm yayımlanıb. Ozan Yurdakul bildirib ki, serialın tamaşaçılarla layiqincə vidalaşa bilməməsi onları məyus etsə də, iki onillik ərzində layihəni uğurla davam etdirməklə qürur duyurlar.
Ssenarist paylaşımında layihənin ərsəyə gəlməsində əməyi olan bütün yaradıcı heyətə və illərdir serialı izləyən tamaşaçılara təşəkkür edib. O, “Arka Sokaklar”ın təkcə televiziya layihəsi deyil, həm də Türkiyənin yaxın tarixinin bir hissəsinə çevrildiyini vurğulayıb.
Prestij.media
