Prestij.media xəbər verir ki, ABŞ-ın Kaliforniya ştatındakı Mojave səhrasında sahildən 160 kilometrdən çox uzaqlıqda inşa edilən 15 metrlik dəniz mayakı qeyri-adi görünüşü ilə diqqət çəkir.
Hinkli şəhəri yaxınlığında yerləşən mayak 2017-ci ildə istifadəyə verilib. O, gəmilərə istiqamət göstərmək üçün deyil, səhranı açıq hava sənət məkanına çevirmək məqsədilə yaradılıb.
Layihənin müəllifi Daniel Hokins olan qurğu aktiv dəniz mayaklarında istifadə edilən bütün texniki avadanlıqlarla təchiz olunub. Mayakın işığı təxminən 19 kilometr məsafəyə qədər görünür və ən aydın şəkildə yaxınlıqdan keçən 58 nömrəli dövlət avtomobil yolundan izlənilə bilir.
Daniel Hokins bu ideyanı 2010-cu ildə irəli sürüb və bir il sonra tikintinin aparılacağı ərazini satın alıb. Güclü istilər, uzunmüddətli texniki hazırlıq və icazə prosedurları səbəbindən layihənin tamamlanması bir neçə il çəkib.
Hazırda Mojave səhrasındakı bu qeyri-adi mayak dünyanın maraqlı mühəndislik və sənət nümunələrindən biri hesab olunur.
