Türkiyədə yüksək gəlir potensialı və soyuğa davamlılığı ilə seçilən itburnu bitkisinin yetişdirilməsinə maraq artıb. C vitamini və antioksidantlarla zəngin olan bu meyvə həm təzə, həm də emal olunmuş məhsul kimi bazarda tələbat görür.
Məlumata görə, tam məhsuldarlıq dövründə bir dönümdən təxminən 1,5–2,5 ton itburnu əldə etmək mümkündür. Təzə meyvənin kiloqramı topdansatışda 30–60 türk lirəsinə, qurudulmuş və emal üçün nəzərdə tutulan məhsulların kiloqramı isə 150–300 lirəyə satılır.
İtburnundan mürəbbə, çay və kosmetik vasitələrdə istifadə olunan yağ hazırlanır. Nisbətən aşağı qulluq xərcləri və müxtəlif sahələrdə tətbiqi fermerlərin bu bitkiyə marağını artırır. Bununla belə, gəlirlilik məhsuldarlıqdan, satış qiymətlərindən və istehsal xərclərindən asılıdır.
Prestij.media
