İsveçrədə uzun müddət davam edən quraqlıq ölkənin təbii gözəlliklərindən biri olan Les Brenets gölünə ciddi təsir göstərib. Suyun səviyyəsinin kəskin azalması nəticəsində gölün geniş hissəsi quruyub və əvvəllər su altında qalan daşlı-palçıqlı ərazilər üzə çıxıb.
Fransa sərhədində yerləşən gölün qurumuş dibinə nəhəng hərflərlə “HELP” və “SOS” sözləri yazılıb. Bu mesajlarla bölgədəki su probleminə diqqət çəkmək və insanlarda ətraf mühitlə bağlı narahatlıq yaratmaq məqsədi güdülüb.
Quraqlıq gölün mənzərəsini dəyişməklə yanaşı, turistik qayıq səfərlərinə və bölgədəki iqtisadi fəaliyyətlərə də mənfi təsir göstərib. Göldə suyun azalması həmçinin ekosistemin və su ehtiyatlarının gələcəyi ilə bağlı narahatlıqları artırıb.
Prestij.media
