Türkiyə vətəndaşlarının vizasız səfər edə bildiyi Taylandda yeni vergi təklifi gündəmə gəlib. Təklifə əsasən, ölkəni təyyarə ilə tərk edən sərnişinlərdən hər səfər üçün 1000 bat, yəni təxminən 30 dollar vergi alınması nəzərdə tutulur.
Verginin vətəndaşlığından asılı olmayaraq sərnişinlərə tətbiqi, ödənişin isə hava bileti alınarkən aviaşirkətlər və ya bilet agentlikləri vasitəsilə tutulması planlaşdırılır. İki yaşdan kiçik uşaqlar, bəzi tranzit sərnişinlər və rəsmi dövlət nümayəndələri kimi müəyyən qrupların vergidən azad edilməsi nəzərdə tutulur.
Təklif hələ qanun qüvvəsinə minməyib və ictimai müzakirəyə çıxarılıb. Rəylərin oktyabrın 29-dək qəbul ediləcəyi bildirilir. Qanun qəbul olunarsa, yeni qaydanın rəsmi dərcindən 180 gün sonra qüvvəyə minməsi planlaşdırılır.
Prestij.media
