İran və İraq arasında hava nəqliyyatı yenidən fəaliyyətə başlayıb. İran Mülki Aviasiya Təşkilatının rəhbəri Əbu Zər Şirudi iki ölkə arasında qarşılıqlı və müntəzəm uçuşların bu gündən etibarən bərpa edildiyini açıqlayıb.
Şirudinin sözlərinə görə, tərəflər arasında aparılan görüşlər və hazırlıq işləri başa çatdıqdan sonra uçuşların yenidən həyata keçirilməsinə qərar verilib. Beləliklə, Tehran və Bağdad arasında hava əlaqəsi yenidən qurulub.
Uçuşların bərpasının iki ölkə arasında sərnişin daşımalarının və ticarət əlaqələrinin normallaşmasına töhfə verəcəyi gözlənilir. Reyslərin tezliyi və uçuş cədvəli ilə bağlı detalların yaxın saatlarda açıqlanacağı bildirilir.
Prestij.media
