İtaliyanın Siciliya adasındakı Naro qəsəbəsində tərk edilmiş tarixi daş evlər cəmi 1 avro qiymətinə satışa çıxarılıb. Layihə xarici alıcılar da daxil olmaqla, dünyanın müxtəlif ölkələrindən müraciət edən şəxslər üçün açıqdır.
Evləri alan şəxslərdən onları müəyyən edilmiş müddət ərzində tamamilə təmir etmələri tələb olunur. Alıcılar evlərdən yaşayış, yay evi, qonaq evi, butik otel və ya iş yeri kimi istifadə edə bilərlər.
Bələdiyyə alıcılardan üç il ərzində təmir işlərini başa çatdırmağı tələb edir. Şərtləri yerinə yetirməyən şəxslərin ödədiyi təminat məbləği geri qaytarılmır. Layihənin məqsədi tərk edilmiş evləri bərpa etmək və qəsəbənin iqtisadi həyatını canlandırmaqdır.
Prestij.media
