Yaponiyanın Fukuşima bölgəsində 2011-ci ildə baş verən nüvə fəlakətindən sonra təxliyə edilən ərazilərdə yüzlərlə avtomobil hələ də olduğu yerdə qalır. Radiasiya səbəbindən bu nəqliyyat vasitələrinin əksəriyyətinin ərazidən çıxarılması və ya bərpası mümkün deyil.
Tərk edilmiş avtomobillər arasında Nissan Skyline GT-R, Honda S2000, Toyota MR2, Mitsubishi Lancer Evolution kimi kolleksiya dəyəri yüksək olan modellər də var. Bəzilərinin açarları belə hələ də kontakt üzərində qalıb.
Mütəxəssislərin bildirdiyinə görə, avtomobillərdə radiasiya səviyyəsi təhlükəsizlik normalarını aşdığı üçün onların satılması və ya istifadəyə qaytarılması mümkün deyil. Nəticədə bu nadir avtomobillər illərdir təbiətin təsiri altında tədricən sıradan çıxır.
Prestij.media
