Lüks smartfon modifikasiyaları ilə tanınan Caviar şirkəti qeyri-adi dizayna malik yeni Genesis kolleksiyasını təqdim edib. Kolleksiyanın ən diqqətçəkən modeli milyonlarla il yaşı olan əsl Tyrannosaurus Rex (T-Rex) fosilinin bir hissəsinin yerləşdirildiyi iPhone 17 Pro Max olub.
Şirkət bu dəfə telefonun korpusunu tamamilə dəyişmək əvəzinə, maqnit sistemi ilə saniyələr ərzində çıxarılıb taxıla bilən premium arxa panellər hazırlayıb. “Relict” adlanan eksklüziv modelin arxa hissəsindəki loqonun içinə həqiqi T-Rex fosilindən kiçik bir parça yerləşdirilib.
Model aviasiya dərəcəli titan, boz-ağ çalarlı timsah dərisi və mavi zərgərlik emalı ilə hazırlanıb. Dünyada bu modeldən cəmi 7 ədəd istehsal ediləcək. Onun satış qiyməti 4 490 ABŞ dolları təşkil edir.
Kolleksiyaya daxil olan digər modellər – Proteus, Stimulus, Vector və Orion da məhdud sayda istehsal olunacaq. Hər modeldən cəmi 99 ədəd hazırlanacaq. Bu versiyalar titan, timsah dərisi və müxtəlif emaye işləmələri ilə fərqlənir. Onların qiyməti 1 630–2 060 ABŞ dolları arasında dəyişir.
Caviar bildirir ki, Genesis kolleksiyası müasir texnologiyanı tarixöncəsi dövrə aid nadir materiallarla bir araya gətirərək kolleksiyaçılar və lüks həvəskarları üçün hazırlanıb.
Prestij Media
